「樓市平穩發展。」
咁有無股市平穩發展？點解咁得意，宜家市民關心的是樓價，平穩發展即係點？樓市、樓價平穩發展，我估即係無大上 落，你班友唔敢再亂講，類似明年預料樓價會上升30至40個巴仙既言論，但亦唔敢講樓市要面臨調整，不是得罪手上持重貨既各路炒家，就係得罪好多年都無法 增加收入，又想置業，但連新界既樓仔都買唔起既小小小市民。
簡單來說，無講過野。
「八萬五政策推出，減低了地產商在經濟上扮演的角色。」
八 萬五其中一部分是公屋及居屋。其實什麼數字也好，在房屋政策上，如政府分析過，需要出手提供不同形式的房屋津貼，幫助有需要既市民，就會興建公屋及居屋。 因此，如果說減低了地產商在經濟上扮演的角色，即是減低了市民對私樓的需求，地產商起少些樓賺少一些，是不正確的。錯在政府要大鑼大鼓宣布，其實，究竟當 年每年既新落成單位數目是大約多少，包括真實數字及計畫數字。假設係六萬三，多建的單位數目是二萬二，當中又有沒有私樓呢？又假設兩成半是私樓，餘下的一 萬六千五個額外單位會拖垮樓市麼？可能啦。不過，有超過一萬戶低下收入家庭受惠，莫非香港要徹底奉行資本主意，讓某些生意人「公平地」賺到盡，是政府的最 好選擇？
加建不加建公屋，會對私樓需求有影響嗎？有幾多個家庭會係等唔切上樓，走去買私樓？部分既居屋買家同私樓target既買家係會重疊，就算財力上未夠買私樓，只要不建居屋，呢班人唯有節衣縮食儲錢去買樓，而二手居屋放盤不多，宜家都升到好恐怖。
Welcome to 28SME.com Sites. This is your first post. Edit or delete it, then start blogging!